Vergelykings

Julle sal agterkom dat ek redelik dikwels van vergelykings in my stukke gebruik maak. Party mense se vergelykings word sêgoed, soos bv; So swart soos die nag, so koel soos ´n komkommer, so bleek soos ´n laken. Ek sou ook graag wil hê dat van my vergelykings eendag sêgoed moet word. Nou het ek gedink. Ek gaan ´n klomp van my eie vergelykings hieronder uiteensit en dan moet jy, die leser, dit in die regte lewe gaan gebruik. Wie weet miskien haak daar ´n paar in jou vriende se woordeskat vas.

So akrobaties soos ´n heuningvoëltjie op Speed.

So aantreklik soos ´n model sonder inhibisies

So aggressief soos ´n Buffel met ´n slagyster toegeslaan op sy bal

So aragnafobies soos ´n blinde muskiet

So onbeperkend soos ´n gaas kondoom

Soveel skop soos ´n dubbeltot Toquila in ´n draughtglas Etanol

So depresief soos iemand met ´n wen-lotto kaartjie en twee dae om te leef

So vergeetagtig soos ´n alsheimer-pasient op ´n daggatrip

Lang vingers soos ´n dieretuin-oerangoetang

Groot jeupe soos ´n dragtige Vrieskoei

´n Groot mond soos ´n honger planktonetende Walvis

So kosbaar soos kakpapier by ´n kunstefees

So skaars soos ´n glimlag by die lisensiekantoor

So vinnig soos ´n honger jagluiperd met Terpenryn onder die stert gesmeer

Klein handjies soos ´n sirkusnar

So kort soos ´n mier se ooghare

So swaar soos ´n pregnant Olifant

So skaars soos ´n slim, vriendelike spietkop

So verveeld soos ´n kind by ´n sitrus-seminaar

´n Harige bors soos ´n Gorilla op kreatien

Hang knaters soos ´n Boerbok wat warm kry

So heilsaam soos die Lanbou-weekblad se voorblad

So sensueel soos ´n bronstige Kameelperdmerrie

So mooi soos ´n Elandbul met ´n grys nek

So bevredigend soos ´n lekker lang poep in ´n stil vertrek

So soepel soos ´n gegriesde motorfietsketting

´n Lang nek soos ´n nuuskierige Volstruis

So mooi soos ´n biltongruiker

Ruik so suur soos ´n resies-vrieskoei se hoewe

So dikbek soos ´n asmatiese blaasoppie

Die Wit Rus