Piet paraat

Op ´n straathoek staan ´n man met ´n plan

met boardshorts en plakkies en ´n vyfmankan

Laag in sy nek skuur ´n agterkopkuif

Ray-bans oor die oë en lippe om ´n skyf

Sy kammerade noem hom baas, baas Piet paraat

brannewyn en vrouens maak sy vuiste kwaad

Hy´s altyd besig om bouncers te terg

so speel hy roulette op die dood se werf

Ken jy daai man, het jy hom gesien

Daspoort se slette rate hom tien uit tien

In sy kamer pose Shine4 teen die muur

sy kar se spieëljie is met ´n disco-bal versier

Piet Paraat vat die mike en prewel ´n preek

sing van die geluk en swaarkry se leed

Sy woorde donder kliphard die donker in

en die poppe staan tou om op die stage te klim

Hy´s die bielie van Brakpan, die breker van de Aar

hy´s die skop in die dop, die brand in die bar

As hy straat-af kom trek jou rubber bootse aan

die kak is oppad, jy´s in moeilikheid se baan

Maar jy kyk hom mis, jy skat hom vlak

jy speel met vuur, jy raak te mak

Oppas vir Piet as hy jou vir ´n kappie nooi

hy sal jou ´n gin en tonnic met ´n half-shot petrol gooi

Die Wit Rus