Persepsie

oor warm horisonne

tussen die skadu´s van wildevy bome

gallop die hartklop wat geklop het

in die stilte van my glimlag

in die ratte van my bestaan

koue gedruis doof die waarheid weg

saam wals die wind en die donker skuimsekels

na donderwolke

bly slegs ´n eggo in die leemte wat alles verswelg

wat drome kolkend afsuig

na die grysgrou as van vergete aande

my woorde is bedwelm deur sirkels vol vuur ver ver weg

wat oë kan boor

oë wat slaapend die blomblare sien sweef het

oor velde van altyd

na woestyne van nooit

deur oseane van miskien

engeltjies sing in daardie veld, woestyn en oseaan

skoenlappertjies fladder tussen daardie blomblare

geeste spook in daardie veld, woestyn en oseaan

´n demoon drink die bloed van daardie geluk wat oë laat droom

sonnetjie skyn oor daardie drome

feetjies lag en speel in daardie golwe

die duiwel braak haat oor daardie drome

spoke laat daardie golwe se vingers krul om suiwer longe

kinders bekoor met sang in daardie eggo

laat daardie glimlag wit en rein

skurke slag daardie kinders

brand hulle op stapels wildevy takke

stuur die rykste siel diep die aarde in

geluk skuil onder blokkies ys

geluk klou vas aan die maan

Die Wit Rus