Die sentrum wat se naam rym met enlyn

 

Ja, oukei, kak titel, kom daaroor! Daar is ´n inkopie-sentrum in Pretoria wat my al so te na gekom het dat ek myself belowe het om nooit weer soontoe te gaan nie. Ek weet nie veel van Feng-Sui nie, maar daardie plek s´n is verseker heel gefok.

Dit was ´n Vrydag, die laaste dag van die maand, wat ek besluit het om saam met ´n aster te gaan fliek. Die volgende is ´n dagboek styl beskrywing, van die dag toe die geluksgodin my soos die blindes voor Checkers geïgnoreer het;

 

 

13:00 - Bel aster, kom ons noem haar ¨mev.X¨, en vra of sy bioskoop toe wil gaan. ¨Wat´s dit? ¨, kom die antwoord. Die ouderdomsverskil dreig om ´n probleem te raak.

13:03 - Onderneem om geen meer kak grappe uit mý jong dae te maak nie, aangesien almal begroet word met ´n ¨ huh? ¨.

13:20 - Probeer in die bad onthou waaroor ek as agtienjarige met agtienjarige meisies gepraat het.

13:25 - Onthou ek het geen agtienjarige meisies geken toe ek agtien was nie. Begin ´n hol kol op my maag kry as ek dink aan die ongemaklike stiltes as sy iets na die tyd wil gaan drink. Werk uit hoeveel Breezers mens met twintig rand kan koop. Is diep teleurgesteld oor die antwoord.

13:32 - Laat glip monster poep, giggel vir die borrels.

14:00 - Wonder hoekom my sleutels altyd weg is as ek haastig is - die fliek begin 14:30.

14:15 - Besef die Nagmaal op Brits het na die sentrum se parkeerarea geskuif. Besluit om nie laasgenoemde humoristiese stelling voor die aster te maak nie. ( ¨huh?¨ )

14:20 - Parkeer op die heel vêrste plek van die sentrum.

14:30 - Kom uitasem by die sentrum se ingang aan. Wonder hoeveel kos een van daardie skoppies met die enjins agterop. Wonder verder of die aster weet wat ´n ¨Skoppie¨ is.

14:40 - Begin moerig raak want ek kry nie die flieks nie. Maak mental note om later na die oulike yster olifant-fonteintjie te kom kyk.

14:45 - Loop verby nog yster olifantjies, dink hulle het dit dalk oordoen.

14:50 - Kom agter daar is net een simpel fokken fonteintjie en ek is al drie keer verby die kommin ding.

14:55 - Verlang huilerig na my ma - gaan ek ooit weer hier uit kom?

15:00 - Loop onverwags in die flieks vas, waar de moer kom die goed nou vandaan?

15:02 - Aster vra geïrriteerd hoekom ek nie my sel antwoord nie, kom agter ek het hom in die bakkie gelos. Besluit om haar terug te kry deur netnou baie vatterig te word.

15:03 - Vermoed bogenoemde plan gaan nie werk nie, sy het haar ¨ baie oulike broer ¨ saamgebring. Dink per ongeluk hardop; ¨ Wat de fok ¨. Maak of ek iets vreemd in my sak ontdek het.

15:10 - Sit uiteindelik vir die laaste helfte van die fliek. My slush-puppy proe soos pis in plaas van bubble-gum, wat ek bestel het.

15:50 - Kak fliek, al waaraan ek nou kan dink is alkohol.

15:55 - Vra vir mev. X om my na die ingang te vat waar ek ingekom het. En nee ek wil nie gou iets gaan drink nie.

16:00 - Die hemele het oopgemaak oor Pretoria, ek het lanklaas soveel water gesien. Groet mev. X met al die charisma van ´n yspik en gaan staan in die ry om my kaartjie te betaal.

16:00 - Ek word by die betaal masjien begroet met ‘n bordjie wat sê; ¨exact change only¨. My beursie bevat slegs een vyftig rand noot. Sê kliphard; ¨fok my¨. Moffie agter my glimlag. Knyp my boude toe en pikkewynstap na die swiets-winkel.

16:10 - Voel erg benadeel omdat ek vier en twintig rand moes betaal vir pakkie Tumbles net om kleingeld te kry. Dis nou na ek die vrou agter die counter amper met die kop geslaan het toe sy vir my sê hulle gee nie kleingeld nie.

16:15 - Ek betaal ses rand. Begin onskuldige mense vra ¨wat de fok kyk jy?¨, my humeur hang aan ´n dun draadjie.

16:16 - Laat string vloekwoorde wat die tannie langs my se bolla laat losspring - tussen al die reën deur, kon ek nie mooi sien dat dit die verkeerde fokken, bliksemse ingang is nie. Besluit om buite-om, in die reën, na my bakkie te loop anders moer ek dalk iemand in die sentrum.

16:30 - Kom sopnat by die bakkie aan en staan en loer vir my sleutels wat binne-in op die sitplek lê.

16:35 - Sluit bakkie met ´n stuk draad oop en klim in. Voel hoe begin my mond aan een kant trek van die beroerte - ek het my agterste skuifvenster oop gelos, die bakkie ruik soos ´n nat koei in oestrus.

16:40 - Blykbaar lyk ek gestremd, want die bliksem voor by die masjien waar jy jou kaartjie indruk om uit te gaan, vat my kaartjie en druk dit in die gleuf, 20 cm van my hand.

16:41 - Masjien sê; ¨time expired¨. Hoor in die vêrte; ¨schweeee!¨, daar gaan my moer. Verduidelik in geen onsekere terme vir die kaartjie-koerier dat ek deur die valhek gaan jaag as hy hom nie oopmaak nie. Mis half-oop valhek net-net met my dak toe ek deurjaag.

17:06 - Die drankwinkel is toe. Ry oor een van hulle nuut geplante boompies in die parkeer-area, net om spiteful te wees.

17:35 - Sak met ´n swaar gemoed by McGinty´s in en bestel vier Tequilas, ´n brandewyn en ´n skinkbord vol OBS - ek´s nog steeds nat en koud.

18:20 - Besef alkohol is my enigste ware vriend.

20:00 - 8:00 - Totale blank

8:02 - Ek belowe myself dat ek nooit weer sal drink nie, en nooit ooit weer na daardie sentrum toe sal gaan, wat se naam rym met enlyn nie.

 

 

Die Wit Rus